संविधान दिवसको अवसरमा आयोजित शुद्द गाउँ तथा वडा स्तरीय पुरुष भलिबल प्रतियोगिताको उपाधि डेढगाउँ भलिबल क्लबले उचालेको छ । आईतबार डेढगाउँ भलिबल क्लब र सारडाँडा भलिबल क्लब बीच भएको फाइनल खेलमा २-१ सेटले पराजित गर्दै डेढगाउँ भलिबल क्लबले उपाधि उचाल्न सफल भएको हो ।
डेढगाउँ भलिबल क्लबले सेमीफाईनल खेलमा राङरुङ भलिबल क्लबलाई पछि पार्दै फाइनलमा प्रवेश गरेको थियो भने सारडाँडा राङरुङ भलिबल क्लबले मोहोरिया भलिबल क्लबलाई पछि पार्दै फाइनलमा प्रवेश गरेका थिए । यस्तै छाङ भलिबल कल्ब भने तृतीय भएको छ । छाङ भलिबल क्लबले आयोजक वि लाई हराउँदै तृतीय भएको भिमाद भलिबल क्लबले जनाएको छ ।
प्रतियोगितामा प्रथम , दृतिय र तृतीय हुने क्लबले क्रमश ३०,२०,१० हजारको साथमा शिल्ड मेडल र प्रमाणपत्र हासिल गरेको भिमाद भलिबल क्लबका अध्यक्ष अनिल थापाले जानकारी दिए । असाेज ३ गते बाट शुरू भएको उक्त प्रतियोगितामा ३९ टिमको सहभागिता रहेको खेलकुद संयोजक विसन श्रेष्ठले जानकारी दिए ।
